Boushsd news Boushsd news
recent

آخر الأخبار

recent
recent
جاري التحميل ...

كيف يختانا دا الرهان سلاحنا وسيفنا

 



بوش نيوز
الملف الثقافي 
من السبت الي السبت

 



إعداد/ صلاح الدين عبدالله نورالدين


تعمدت غرف المليشيا علي تبني الحملات الخاسرة في الرهان مع الشعب السوداني وكلما تقدمت قواتنا المسلحة وتلقت هذه المليشيا مجموعة من الانهزامات المتلاحقة تعمدت الي وسيلة تبيض بها وجهها من سواد الهزائم وآخرها

الحملة العقيم الزنيم في عبارة اختانا فزجرها وركلها الشعب السوداني بأكمله ووضع في محلها عبارة البرهان في حدقات العيون او البرهان في حدقات عيون الوطن دلاله علي مكانته الرفيعة في قلب الشعب السوداني الاصيل الوفي الصادق فلله دره من شعب كريم 


( قالوا  اختانا)
(البرهان في حدقات العيون)


كيف يختانا من ركز البلد بي جيشو

كيف يختانا توب الستره داك بي ريشوا

كيف يختانا ياسجم البطانه وطيشوا

روحو اختونا لاتشوفوا الامان لا تعيشوا



 كيف يختانا دا الرهان سلاحنا وسيفنا

وكيف يختانا دا الحارس شتانا وصيفنا

وكيف يختانا حارسنا البيكرم ضيفنا

ما بختانا دا منانا وتمامة كيفنا


 كيف يختانا دا البرهان بعد ما راقت

 بعد ما خاد ليهيب النار عليهم ضاقت

 ناس بيت الضيافه وكت جموعن لاقت

 ركزوا اتباركوا  وسدوا الشرم ما حاقت



 فرسان بيت الضيافه يمين كلامن تاني

ومن قولت تمام ادوا التمام في ثواني

ساموها النفوس الغاليه لي سوداني

في شان البلد ماتوا وبقت عنواني



 اسود بيت الضيافه حكايه ياخي عجيبه

شالوا الشكره في اليوم الفعايلو صعيبه

عضوها الضروس جافو الشكك والريبه

مابننساها دايره مع الزمان ويجيبه 



 يوم العركه داك يوما عبوسا شوم

اتلمت ملاقيط الحرام والبوم

آلاف الجيوش شايله السلاح وتحوم

في فد ساعه نجضوا زي البصل والتوم



 امشوا اختونا ياعملا وخيانه رويتوا

امشوا اختونا ياخونه وخيانه ربيتوا

 زي كوم المعوز الضاله انتوا بقيتوا

تعيش روسيا الكتير مستخدمالنا الفيتو



 امشوا اختونا علمانين اكان قحاطه

دمرتوا البلاد العامره سطو سواطه

هرجه وسكلي غير مشروع وجطوا جواطه

فكركم واطي وانتوا اكيد تسكنوا الواطه



 الراجيكم رمادا كالوا لا اضنيهوا

وخاب ظن القبيل ابليس بغشغش فيهو

الراجي الله لابد يوم يكيل ايديهوا

ينفق مالوا حتي  المابدور يديهو



يا نا قصين كرامه وتربيه وادبيه

عدمانين شهامه وفزعه مي محريه

قاتلكم عد ييل ما بيحكموه بالديه

يا عاقين وطنكم والنفوس مشريه


 ركزوا ولادنا يوم العركه يوما شين

ركزوا ولادنا سووهوا العديل والزين

ما قالوا النجهز ونستعد لامتين

خاضوها أم ليهيب وكسروا الحصار بالدين



 وتاني بلدنا بنشيدوا ونعلي مقاموا

وكلللنا تاني نتحزم نمسكوا لجاموا

نحن الجيش معاهواوما بنخون اياموا

ونحن الجيش نسدنوا وعاد نموت قداموا



 يلا اختونا شتتوا لي السفارات ديكا

غوروا وطشوا بين فندق أدث وامريكا

تابعوا الرادي يوم النصر ساعه وشيكه

بتشوفوا الجلالات عاليه والمزيكا


كل يوم يسجل جيشنا نصر جديد

وكل يوم يردد في جلالتوا يعيد

يوم النصر قرب تاني اصلو أكيد

ونفدي وطنا بي مليون وألف شهيد

ونفدي وطنا بي مليون والف شهيد

عن الكاتب

Boush sd

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

Boushsd news